Դիջիպատում 2013-2014

 Ահա  ավարտվեց 2013-ը և մենք ոտք դրեցինք 2014 թվական ու պետք է ամփոփենք մեր մեկ  տարվա արած աշխատանքները:
Առաջին դասարանից սկսած սովորել եմ կրթահամալիրում արդեն 10-րդ դասարան եմ ու չեմ պատկերացնում իմ օրը առանց կրթահամալիրի, առանց կրթահամալիրային մթնոլորտի, առանց մեր ուրախ առօրյայի:Շուտով ավարտվում է առաջին կիսամյակը և ես կփորձեմ ամփոփել աշխատանքներս: Սեպտեմբերից սկսեցինք անցնել նոր առարկա՝էկոլոգիա, շատ սիրեցի այդ առարկան և կատարել եմ շատ հետազոտական աշխատանքներ այդ առարկայից: Շատ աշխատանքներ եմ արել նաև մյուս առարկաներից հայոց լեզվից, անգլերենից,փիլիսոփայությունից:

Ինձ շատ դուր եկավ մեր ակումբային գործունեությունը: Ես Էկո ակումբի անդամ եմ և շատ եմ սիրում մեր ակումբը՝ակումբի մթնոլորտը,անդամներին և իհարկե մեր շատ սիրելի ակումբի ղեկավար ընկեր Մարթային: Ակումբի շրջանակներում շատ աշխատանքներ ենք իրագործել և դեռ կիրագործենք:

Այս մեկ կիսամյակում նաև հասցրեցի գնալ ճամփորդությունների երևի ամենագլխավոր ճամփորդությունը Գանձասարյան ակումբների ամենամյա հավքին մասնակցությունն էր: Մենք 5 անմոռանալի օրեր անցկացրեցինք այնտեղ:

Անկախության օրը բարձունքին՝ Էկո ակումբի հետ հաղթահարեցինք Արտանիշ լեռնագագաթը:

Իհարկե շատ ձեռքբերումներ եմ ունեցել՝ Ավագ դպրոց վարժարանի սովորող եմ, արդեն ակումբային գործունեությունը ինձ համար երազանք չէ, նոր ընկերներ,նոր գիտելիքներ, ջերմ և ուրախ մթնոլորտ:

Ցտեսություն՝ 2013 բարի գալուստ՝ 2014